Од советничката група на ВМРО- ДПМНЕ го повторуваат ставот дека предизборниот период не е период во кој треба да се расправа околу процесот на легализација на дивоградбите. Како што потенцираат, таквите дејствија се спротивни на изборниот законик и сметаат дека закажаната 60- та седница со 80 точки на дневен ред поврзани со легализација на дивоизградените објекти, треба да биде поместена за првиот термин по локалните избори на 24 Март.
– Целта е граѓаните да не бидат жртви на лагите за наводна услуга од страна на градоначалникот Петрески и на локалната самоуправа. Неискрените намери станаа поочигледни и со обидот за манипулацијата со вистината во вчерашната реакција на кабинетот на Петрески. Напротив , Петрески и надлежните во локалната самоуправа треба да одговорат- зошто досега не го спровеле процесот на легализација на дивоградбите, туку го чекаа предизборието за да манипулираат со барањата на граѓаните, велат од советничката група на ВМРО-ДПМНЕ.
Оттаму, додаваат дека и понатаму стојат на ставот дека ќе ги поддржат подеднакво сите барања на граѓаните во процесот на легализација на дивоградбите во Охрид, но тие не смеат сега да бидат манипулација во изборниот процес.
