ВМРО ДПМНЕ негира било каква поврзаност со провокативните билборди

ВМРО ДПМНЕ негира било каква поврзаност со поставувањето на провокатините билборди во Охрид на кои стојат иронични забелешки за посетата на градоначалникот Александар Петрески на Австралија. Во реакција се вели:

„ВМРО-ДПМНЕ не е нарачател на билбордите низ градот поставени по повод посетата на Александар Петрески на Австралија. Тоа не е наш стил на политички натпревар. Го повикуваме Градоначалникот нарачателот да го бара во раководството на СДСМ и Бранко Црвенковски кои јавно се оградија од него и го нападнаа. Ова е стил на работа на СДСМ. Повикуваме и покрај внатрепартискиот судир и раскол да се зазржи нивото на комуникација и Охрид и граѓаните на градот да не бидат дел од таа битка. Тоа е работа која СДСМ треба сам да си ја реши во рамки на својата партија. ВМРО-ДПМНЕ не сака да биде дел од внатрепартиските судири во СДСМ“, стои во соопштението на ВМРО ДПМНЕ.