На прес конференција што се одржа денеска во Скопје, опозциската ВМРО ДПМНЕ ја обвини владејачката СДСМ дека луѓе блиски на неа, на структури во полицијата и на вработни во локалната самоуправа, фото и видео го документирале вчерашниот протестен марш во Охрид.
Од ВМРО ДПМНЕ тврдат дека тоа се правело со цел да се заплашат поддржувачите на ВМРО ДПМНЕ во Охрид во пресрет на претстојниот референдум.
-Дали овие лица се пратени директно од Заев и Оливер Спасовски да ги документираат граѓаните кои излегле да протестираат против власта за подоцна да можат да им вршат притисоци? – прашаа на пресконференцијата од ВМРО ДПМНЕ, од каде тврдат дека поседуваат фото материјали како доказ оти се кова сценарио за заплашување на противниците на Договорот од Преспа.
OhridNews
