Последно одржаната седница на совет може да се каже дека е најдобрата до сега. Се одржа квалитетна седница на која се водеше демократска расправа. Конечно се конфронтираа советниците од двете спротивни коалции, а не како во најголемиот број случаи кога говорницата се злоупотребува од страна на градоначалникот Петрески, велат од ВМРО- ДПМНЕ.
-Немаме ништо против и градоначалникот да дискутира околу одредени прашања и точки од дневниот ред, но не е неопходно тоа да го прави за секое прашање, вели координаторот на советничката група од ВМРО- ДПМНЕ, Дејан Паноски.
Според него за демократската атмосфера во советот придонесуваат и медиумите кои во последно време преку активна критика влијаат врз намалувањето на негативните појави и однесувања на поединци.
OhridNews
