Денес Зоран Заев го продолжува своето одработување за странски центри со објавување на креирани материјали, со што се надева дека без поддршка од граѓаните, без програма, проекти и идеи, ќе го донесе на власт. Ова се вели во реакцијата на ВМРО-ДПМНЕ на пресот на претседателот на СДСМ Зоран Заев, кој ја обвини власта дека раководи со правосудниот систем и презентираше уште пет аудио снимки, за кои вели дека се доказ за корумпираноста на власта.
„Човекот кој јавно и соопшти на целата македонска јавност дека македонскиот народ треба да ја свитка кичмата, кој по СМС пораки ги информираше другите партиски лидери дека на власт ќе го донесат пријатели од странство и кој на Премиерот најмалку пет пати му потврдил дека креираните материјали му се од странски служби, очекува народот да му верува и да гласа за него на избори“, се вели во реакцијата.
Според партијата на власт, со секоја прес конференција Зоран Заев само докажува дека е соработник и инструмент на странски разузнавачки служби, како што самиот тврдеше.
OhridNews
извор:„Макфакс“
