На таблата добредојдовте во Охрид од денес ве пречекуваат плакатите на Петрески, обвинија на денешната прес-конференција во општинскиот комитет на ВМРО-ДПМНЕ. Од партиската говорница тие запрашаа, дали таблата која е поставена од општината е пренаменета во рекламен билборд и дали Петрески ја купил со свои пари.
„ На кој начин Петрески го исполни сопственото ветување за времен мораториум за градба во централното подрачје и дали терминот времен за него го означува времето од прогласувањето на неговата таканаречена победа од првата седница на неговиот совет кој веднаш ја донесе одлуката з атаканаречена дислокација на градската автобуска станица и изградба на станбени згради на нејзиното место“, рече портпаролот на ОК на ВМРО-ДПМНЕ, Јованчо Секулоски.
ВМРО ДПМНЕ презентираше фотографии
На денешната прес-конференција, беше спомената и изјавата на кандидатот за градоначалник од СДСМ, Александар Петрески, дадена на 20 февруари во дневен весник во која тој го одобрува и постоењето јавни куќи.
„Дали Петрески и неговата партија, СДСМ, го гледаат нашиот бисер и втoриот Ерусалим како балкански центар на проституција“, запраша портпаролот Секулоски.
Ohridnews
