ВМРО-Народна Партија во целост се залага за демократија, деполитизација и професионалност во сите сегменти на живеење и функционирање во нашата држава. За жал не може да се одбегне фактот дека владеачката партија на секој можен начин се инфилтрира во сите сфери на државниот систем, се вели во соопштението на ВМРО НП, по повод актуелните случувања во медиумската сфера.
-Наместо преку државните институции владеачката партија да им служи на граѓаните, таа власта ја користи за целосна контрола на мислите и зборовите како и најстрого цензурирање на медиумите. Доказ за тоа е секојдневниот притисок и контролата кој Советот за радиодифузија го наметнува врз медиумите. ВМРО- Народна Партија дава целосна подршка на ЗНМ во остварување на своите барања, стои во соопштението.
Партијата бара од власта да престане да врши притисоции врз медиумите и новинарите и целосно да се посвети на креирање на политики за подобрување на животниот стандард на граѓаните на Република Македонија.
