Условите за живот во Република Македонија стануваат се понеподнослови. Тоа беше причината што многу граѓани, посебно млади луѓе секојдневно се иселуваа, а според гледањата на иднината, тој тренд ќе се зголемува. Младите едноставно се приморани на тој чекор, се наведува во реакцијата од општинската ВМРО- Народна партија во врска со најавеното зголемување на цената на струјата и парното.
– Веќе неколку години тоа стана практика во нашата држава. Цената на сметките е зголемена неколку пати, додека висината на платите останува иста. За жал тоа го покажува капацитетот на способностите на оваа влада да раководи со Република Македонија. Целта, најверојатно им е цврсто да го задржат првото место по мизерија според животниот стандард. Цената на сметките слободно можете да ја зголемувате секој месец уште во наредните три години, доколку нема предвремени парламентарни избори. Тоа е ваше право. Потоа ќе се соочите со народот, велат од општинската ВМРО- НП.
OhridNews
