Просечната месечна исплатена нето-плата по вработен, во јуни 2025 година, изнесува 45 468 денари, објави денеска Државниот завод за статистика (ДЗС).
Во јуни 2025 година, во однос на јуни 2024 година, просечната месечна исплатена нето-плата по вработен е повисока за 8.4 %. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование за 14.7 %, Дејности на здравствена и социјална заштита за 12.7 % и Рударство и вадење на камен за 12.2 %, посочуваат од ДЗС.
Намалување на просечната месечна исплатена нето-плата по вработен, во однос на претходниот месец, додаваат, е забележано во секторите: Финансиски дејности и дејности на осигурување за 7.5 %, Трговија на големо и трговија на мало; поправка на моторни возила и мотоцикли за 4.3% и Транспорт и складирање за 2.1 %.
OhridNews
