Како што објаснува раководителот на Секторот за сообраќај, Зоран Шикалески, на овие улици ќе се обновува коловозот, ќе се реконструираат тротоарите, дрворедите, осветлувањето, со што е предвидено тие да добијат сосема нов изглед.
– Станува збор за едни од најфреквентните сообраќајници во градот, низ кои, особено во летниот период, се движат голем број возила кои доаѓаат од Битола и се упатуваат кон туристичите населби .Реконструкција ќе се врши и на улицата „Абас Емин“, каде првично е предвидена промена на канализационата и водоводната мрежа, а потоа и реконструкција на коловозот, осветлувањето и тротоарите, вели Шикалески.
Ќе се продолжи и со најавената изградба на кружните текови низ градот. Меѓу првите кои се предвидени за изградба во 2013 е кружниот тек на пресекот на булеварот „Туристичка“ и улицата „Бистрица“, каде веќе се завршени активностите околу поставувањето на канализационата и водоводната мрежа и регулирањето на одводот на дождовната вода.
Шикалески е задоволен што и покрај тешката економска состојба, изминатата година биле реализирани најголемиот број активности од областа на комуналната сфера предвидени со годишната програма за работа.
