Втор круг од локалните избори ќе има во 29 општини од земјава и градот Скопје, информираат од Државната изборна комисија.
Според ДИК, во вториот круг ќе се одлучува за градоначалници во општините Дебрца, Струга, Битола, Ресен, Куманово, Карпош, Велес, Арачиново, Берово, Богданци, Брвеница, Бутел, Врапчиште, Гостивар, Делчево, Долнени, Ѓорче Петров, Јегуновце, Карбинци, Кочани, Кавадарци, Лозово, Могила, Старо Нагоричане, Студеничани, Теарце, Тетово, Чешиново – Облешево и Центар.
Одзивот на гласачите во првиот круг од локалните избори изнесува 69, 98 отсто, врз основа на податоците од сите 2976 избирачки места.
На првиот круг од локалните избори, гласале вкупно 1 167 757 избирачи од вкупно 1 743 403 запишани во избирачкиот список.
Инаку, Државната изборна комисија на денешното продолжение на 36-тата седница, ги отфрли поднесените 70-тина приговори за локалните избори во Охрид, освен за едно гласачко место, каде било утврдено дека во избирачката кутија имало едно ливче повеќе од заокружените во избирачкиот список кои гласале.
OhridNews
