Бројот на загинати во авионската несреќа која се случи во ДР Конго се зголеми на 127, додека 51 лице ја преживеало несреќата, се вели во соопштението на министерството за транспорт на оваа африканска земја, пренесува „Макфакс“.
 
Портпаролот на министерството изјави дека авионската компанија Хева Бора ја потценила бројката на патници во авионот.
 
Директорот на компанијата, Ставрос Папајоану за агенцијата Ројтерс претходно рече дека во авионот имало 110 луѓе, од кои 57 ја преживеале несреќата.
 
Авионот се урнал за време на слетувањето по лоши временски услови на аеродромот Кисангани, на истокот на ДР Конго.

OhridNews
извор: „Макфакс“