На 29.11.2025 година во 00:40 часот во СВР Охрид приведено е 41-годишно лице од Охрид. При контрола во патниот сообраќај извршена на улицата „Партизанска“ во Охрид, полициските службеници сопреле моторно возило „Сузуки“ со охридски регистарски ознаки кое тој го управувал и притоа, кај него констатирале 1,67 промили алкохол во крвта, информираат од СВР Охрид.
Истиот, веднаш е исклучен од сообраќај и по целосно документирање на настанот, против него ќе биде поднесена кривична пријава по член 297 од Кривичниот законик „Безобѕирно управување моторно возило“.
На 29.11.2025 година во 01:10 часот, во СВР Охрид приведени се 52 и 65-годишни лица, двајцата од охридското село Пештани.
Тие претходно, на регионален пат Охрид – Св. Наум, кај охридската населба „Св. Стефан“, вербално навредувале, а потоа и физички нападнале полициски службеници кои преземале службени дејствија. При извршено алкотестирање, кај 52-годишното лицр е утврдено 1,63 додека кај 65-годишното лице 0,53 промили присуство на алкохол во крвта. По целосно документирање на настанот, против нив ќе бидат поднесени соодветни пријави, додаваат од СВР Охрид.
OhridNews
