Туристичката понуда во Охрид и околината ќе се подига и со четири мини винарии кои ќе се градат во селото Мешеишта, најави денес заменик министерот за земјоделство, шумарство и водостопанство Зоран Коњановски. Тој додаде дека изградбата на мини винариите е опфатена со програмата на Владата, а освен тоа што тие ќе претставуваат нова атракција, ќе придонесат и за нови вработувања.
– Тоа ќе значи околу стотина нови вработувања, затоа што оние кои ќе инвестираат во винариите кажаа дека во секоја од нив ќе вработаат по 25 лица, рече Коњановски.
Локациите за изградба на винариите биле продадени пред неколку дена. Станува збор за парцели од околу 25 илјади метри квадратни, со градежна маркица од околу 7 до 8 илјади метри квадратни.
Т. К.
