Поради сторен прекршок согласно законот за оружје, Секторот за внатрешни работи Охрид поднесе барање за поведување прекршочна постапка против две лица од Охрид на возраст од 21 и 28 години. При контрола во угостителски објект околу 2 часот по полноќ, викендов, кај нив полициските службеници пронашле и одзеле ладно оружје-нож со преклоп со сечиво од 10 сантиметри. Едниот ножот го носел во џеб, а другиот во чорап.
Полицијата соопшти дека согласно законот за оружје, не е дозволено односно забрането е носење и употреба на оружје на јавно место, поради што на двајцата пријавени доставени им се и платни налози за наплата на глоба во износ од 500 евра во денарска противвредност.
Пријавените лица и биле добро познати на службата и против нив СВР Охрид, по повеќе основи поднесувала прекршочни и кривични пријави.
