Во петок, 28 јуни, на охридскиот аеродром Св. Апостол Павле,ќе допатуваат 100-тина високи претставници од туристичиот сектор во Холандија, предводени од главниот извршен директор на холандскиот тур-оператор ТУИ, Стефан Ван Дер Хајден, кои ќе престојуваат во Охрид три дена.
Холандските туристички работници, на охридскиот аеродром ќе ги пречекаат претставници од Амбасадата на Кралството Холандија предводени од Н.Е. г-ѓа Мариет Схурман, претставници од општина Охрид, Агенцијата за промоција на туризмот во Македонија како и претставници од локалните туристички агенции Каратанова Турс и Охрид Холидејс.
Помеѓу другите активности, преставниците од најважните туристички агенции од Холандија, ќе имаат можност лично да ги искусат убавините на Македонија, а меѓу другото и да воспостават основа за понатамошна соработка и зголемување на бројот на холандски туристи во Македонија.
Првата група холандски туристи за летната сезона 2013 пристигна на 26 Април. Во 2010 година Македонија ја посетиле вкупно 6612 холандски посетители и туристи, во 2011 година оваа бројка се искачи на вкупно 22 219, додека пак во 2012 македонија ја посетија 27.121 холандски посетители и туристи. Оваа бројка бележи нагорен тренд и во текот на оваа летна сезона преку тур-операторите се очекува да пристигнат над 25.000 холандски туристи.
