Со цел да се изрази благодарност и почит кон сите крводарители, поединци, фирми, институции кои го помогнале развојот на крводарителството во Охрид и Дебарца, денеска во просториите на Црвен крст во Охрид ќе се одржи пригодна свеченост на која ќе се одбележи Денот на крводарителството.
-Перманентна работа за промовирање и унапредување на крводарителството на територијата на општините Охрид и Дебарца е заложба која Црвен крст Охрид континуирано, посветено и совесно ја спроведува. Како резултат на постојаната ангажираност на активистите на Црвен крст и службите за трансфузиологија во текот на целата година, се задоволуваат потребите од крв и крвни продукти на пациентите во здравствените установи во нашиот град. Хуманоста што ја покажаа нашите крводарители преку доброволно дарување крв допринесе да бидат спасени многу човечки животи, велат од охридскиот Црвен крст.
Тие упатуваат особена благодарност до медиумите за придонесот во унапредувањето и развојот на крводарителството во Македонија.
OhridNews
