Локалното Здружение „Луњина“ синоќа одржа трибина по повод Националниот Ден на Власите 23 Мај, на која присуствуваа поголем дел припадници на влашката заедница од Охрид од различни генерации.

Претседателот на Здружението, Драги Коровешоски, истакна дека голема придобивка е тоа што Власите можат да го прослават својот ден и што се уште можат да го чуваат својот фолклор, јазик и други културни обележја.

Тој најави дека до локалните влласти, ќе достави програма и предлог за добивање на просторија за седиште на задружението, која би се користела и како библиотека и како можност за изучување на влашкиот јазик.

Пред присутните, Јордан Трца говореше за значењето на „Ирадето“, со кое во 1905 година е извршено признавањто на влашкиот народ како посебен  и за последиците од таа одлука во рамките на Отоманската Империја. Тој посочи и на имињата на голем број Власи, кои учествувале и учествуваат во политичкиот, културниот и економскиот живот во балканските држави, односно во Македонија.
 
 
Трибината ја поздрави и Дејан Пановски, претседател на Комисијата за одбележување на празници и манифестации при Советот на општина Охрид. Тој рече дека Власите биле и треба да се дел од просперитеот на Охрид во секоја од порите на општеството и дека и сега во Советот има двајца декларирани Власи, советниците Јоне Станкоски и Дејан Пановски.
OhridNews
 
Јордан Трца