Во охридско – струшкиот регион каде има преку 40 невработени лекари ќе се доделат десет концесии и можност за 20 нови вработувања со отворање на приватни здравствени установи на примарно ниво.
Министерството за здравство е силно фокусирано на зајакнување на примарната здравствена заштита која е прво скалило и основа на здравствениот систем во секоја држава.
Огласот е доставен до Службен весник, и ќе трае 20 дена. Во него, се објавени условите под кои сите заинтересирани можат да аплицираат за доделување на овој тип концесии.
– Министерството за здравство ќе организира јавно надавање со почетна цена од 800 денари и минимално надавање од 100 денари. Тоа е еднократен износ на јавното надавање и по неговото завршување, кој ќе постигне највисока цена со тој ќе се склучи договор. Ова е во ситуација ако има поголем број заитересирани. По завршување на процедурата Министерството склучува договори со ПЗУ кои ќе бидат избрани, информираше Тодоров.
Потоа, потенцираше Тодоров, врз основа на тој договор за концесија, односно за влез во мрежата, Фондот склучува договор за финансирање на овие здравствени установи.
ohridnews
