Владејачката ВМРО ДПМНЕ и натаму го испитува јавното мислење за потенцијалните кандидати за градоначалник на Охрид. Деновиве меѓу охриѓани повторно е спроведена телефонска анкета, во која од граѓаните се бара мислење за петмина можни кандидати: Дејан Пановски, Стефан Буџакоски, Цветко Грозданов, Никола Бакрачески и Александар Николоски.
Официјално партијата не ги коментира анкетите, освен тоа дека во тек се опсежни анализи, по што ќе биде донесена конечната одлука кој ќе му се спротистави на актуелниот градоначалник на Охрид на претстојните Локални избори. Дали тоа ќе биде некое од спомнатите имиња во анкетите, или партијата има и други адути, останува да се види.
Извори од ВМРО ДПМНЕ велат дека изборот на кандидат за градоначалник на Охрид ќе биде направен до крајот на декември, или најдоцна на почетокот на јануари.
