Со намера да не дојде до забуна кај охриѓани, по објавениот текст на OhridNews за временото стопирање на постапката за легализација, од Секторот за Урбанизам појаснуваат дека постапката за легализација времено е стопирана само за граѓаните кои поднесуваат нецелосна документација.
-Геодетските елаборати во најголема мера им недостигаа на охриѓани при поднесување на документите за легализација на незаконски подигнатите градби. За ваквата категорија луѓе кои внимавале само на запазување на рокот но не и на материјалите што ги поднесуваат, дадовме грејс период во кој треба да обезбедат целосни документи. За останатите жители кои сакаат да озаконат дивоградба, постапката за легализација продолжува, појаснува Бранко Арнаудов од ресорниот сектор.
Во процесот на легализација без прекин работат две комисии кои два пати неделно излегуваат на лице место. Предметите кои се во согласност со законот се решаваат позитивно, а оние кои противречат понесуваат негативна одлука.
