Во сабота “Курајчки средби 2011”

Во сабота, со почеток во 19 часот, во селото Куратица, ќе се одржи манифестацијата “ Курајчки средби 2011”. За забавата ќе се погрижат групата “ Селект бенд” и Елена Велевска.

Манифестацијата се организира токму во летниот период, кога во селото престојуваат голем број некогашни жители кои пред години заминале далеку од своето родно село.

– Повторното видување, особено престојот на својата родна грутка, причинува посебно чувство кај секој кој почуствувал како е да се биде далеку од неа. Средбите со својот роден крај се непроценливи, тие оставаат силен впечаток на една незаборавна и неповторлива трага во животот на секој човек, велат организаторите на манифестацијата, членовите на Месната заедница од село Куратица, кои ветуваат убава и незаборавна вечер.

Селото Куратица се наоѓа на 1.100 метри надморска височина. Некогаш броело над 1000 жители, а сега 300 постојани жители.