Охриѓанец загина откако со возило излетал од коловозот на магистралниот пат Охрид-Ресен информираат од МВР.
На 05.07.2022 во СВР Охрид било пријавено дека периодот од 09.00 до 13.50 часот на магистралниот пат Охрид-Ресен, помеѓу место викано „Прентов мост“ и место викано „Тунели“, патничко моторно возило „фолксваген туарег“, со охридски регистарски ознаки, управувано од Д.С. (60) од Охрид, излетало од коловозот. На местото на несреќата починал возачот, а смрт констатирал лекар од Итна медицинска помош, велат од МВР.
Додаваат дека увид на местото извршила увидна екипа на СВР Охрид, а по наредба на Јавен обвинител телото на починатиот било дадено на обдукција.
OhridNews
