Со вчерашното свечено отварање на манифестацијата што ја организира Здружението на директори на ученички и студентски домови од земјава во Центарот за култура „Браќа Миладиновци“ во Струга, започна традиционалната „Домијада 2013“.
На манифестацијата учествуваат сите студентски и ученички домови од земјава, како и домовите со посебни образовни потреби. Учесниците ќе бидат дел од спортски натпревари и ликовна колонија како и работилница и тркалезна маса. Настанот ќе биде збогатен со многубројни гости кои се најавени од соседните и европските земји.
Пред две години, Охрид беше домаќин на 19-тата „Домијада“ на која учествуваа 250 учесници од Македонија, Србија, Хрватска, Словенија, Бугарија, Црна Гора, Германија.
Инаку, традиционалната манифестација „Домијада 2013“ е под покровителство на Министерството за образование и наука.
OhridNews
