Во Универзитетот за информатички науки и технологии „Св. Апостол Павле“, денеска стартува третиот по ред 24-часовен маратон во програмирање, Codefest.
Учесниците имаат можност да се докажуваат во програмирање на било која Microsoft платформа, а целта е на едно место да се соберат сите ентузијасти кои со своите продукти ќе парираат на пазарот.
Иницијатори на маратонот се студентите Јасна Тренгоска, Александар Митревски и Вилијам Асиама, а нивните очекувања се дека од него ќе произлезат практично употребливи апликации.
Ментори и оценувачи на настанот се професионални дизајнери и програмери, кои ги следат натпреварувачите во различни аспекти. Се оценуваат повеќе елементи, како дизајн, интеграција на платформи, искористливост на функционалности и слично.
OhridNews
