Градоначалникот Никола Бакрачески денес изврши увид врз градежните активности кои се во тек, за асфалтирање на патот од селото Вапила до селото Сирула. Патот е тампониран, а асфалтирањето се очекува да започне идната недела.
Проектот опфаќа реконструкција на патниот правец во должина од 1 700 метри и изградба на нов пат во должина од 2 700 метри. Рокот за изведба на активностите е два месеци.
Проектите за асфалтирање на патот од Вапила до Сирула, и за асфалтирање на улиците во село Косел, се реализираат со средства од Агенцијата за финансиска поддршка на руралниот развој, а се дел од програмата на Локалната самоуправа за развој на руралните средини. Вкупната вредност на двата проекти изнесува 23 милиони и 500 илјади денари.
Од локалната самоуправа најавуваат и санирање на ударните дупки на патот кој води од село Косел до село Вапила и од Вапила до Ливоишта.
OhridNews
