Во центарот на градот од денеска повторно е воведена наплата на паркинг на обележаните паркиралишта. Цената на паркирање за еден час на улицата „Македонски просветители“ изнесува 50 денари. Таму денеска немаше многу паркирани автомобили, a вработените уредно издаваа фискални сметки за услугата. Засега нема рампи на влезот и излезите од строгиот центар.
Советот на општина Охрид во минатиот состав на една од последните свои седници усвои нов правилник за зонско паркирање во градот, според кој треба да бидат воведени различни тарифи на наплата на паркинг, во зависност од реонот на паркирање.
Наплатата на паркингот и режимот на сообраќај во центарот на Охрид беа експлоатирана тема во предизборниот период, а во неколку наврати организирани беа и протести.
