Во вториот круг во трката за градоначалничката функција во Струга се Мерко и Села

Во вториот круг од локалните избори, во општина Струга за градоначалничката функција ќе се тркаат кандидатот за градоначалник од Алијансата на Албанците, Зиадин Села, со освоени 9.289 гласа или 30.24%  и Рамиз Мерко од ДУИ со освоени 7.916 гласа или 25.77% од вкупно изброените гласови.

Кандидатот за градоначалник од СДСМ, Васил Ашталкоски освои 7.140, кандидатот на ВМРО-ДПМНЕ Сејад Солакоски освои 4.149 гласови. Кандидатот на БЕСА Лавдрим Елмази  доби 1.060 гласа, а независниот кандидат за градоначалник Насто Палиоски освои 177.

На вчерашните избори во општина Струга на гласање излегле 30.722 односно 50.75% од запишаните гласачи.

OhridNews