За самовработувањето на 550 лица за оваа година, во вторник, ќе биде распишан оглас за пријавување кој ќе трае 20 дена, најави Владата.
Во досегашните огласи за самовработување на 450 лица за оваа година, се вработени 112 лица, а за вториот оглас се имаат пријавено 128 лица.
Нивните апликации се разгледуваат и ќе биде одлучено во текот на месецот, додека третиот оглас ќе биде распишан на 1 септември.
„Потсетуваме и дека веќе тече јавниот повик за 1000 нови вработувања преку обука за познат работодавач, кој ќе трае до 17.7, и јавниот повик за ангажман на 4000 лица за вршење на јавни работи кој ќе трае до 20.07, и затоа апелираме заинтересираните да аплицираат за реализација на оваа можност за работен ангажман“, изјави портпаролот на Владата Александар Ѓорѓиев.
OhridNews
извор:„Макфакс“
