Доколку до вторник не се исполнат барањата на Сојузот за иднината за укинување на мерката притвор за Претседателот на ОО на СДСМ Центар и Претседавач на Советот на Општината, Мирослав Шиповиќ, постои можност и охридските совететници од коалицијата да ја бојкотираат закажаната седница на советот на општина Охрид на 29 октомври.
– Дали ќе учествуваме на седницата зависи дали до нејзиното одржување ќе се исполнат барањата на СДСМ и Сојузот на иднината. Доколку ситуацијата до тогаш не се промени не ја исклучуваме можноста нашите советници да не присуствуваат на седницата, вели координаторот на советничката група на СДСМ, Томислав Тунтев.
Од Сојузот за иднината бараат судот да ја укине мерката притвор за Мирослав Шиповиќ и да му дозволи да се брани од слобода.Како што велат од таму, единствениот грев на Претседателот на ОО на СДСМ Центар и Претседавач на Советот на Општината е што не попуштил под заканите и притисоците на власта.
Во знак на солидарност со Шиповиќ, изминатите неколку дена советниците од Сојузот за иднината ги бојкотираа седниците во град Скопје, општина Кисела Вода, Куманово , Штип и Велес.
OhridNews
