Нивото на Охридско Езеро измерено утринава е на кота од 693,73 м.н.в што е за 8 сантиметри над просекот за јуни (693,65 м.н.в) покажуваат денешните мерења на Управата за хидрометеоролошки работи на Република Македонија (УХМР).

Според податоците од УХМР нивото на езерото е на истата кота од почетокот на месецот и истото е 63 сантиметри над природниот минимум (693.10 м.н.в) и 56 сантиметар над минималната кота утврдена со Билатералниот договор со Албанија (693.17 м.н.в)

Температурата на водата е  19 степени што е малку под просекот за јуни кој изнесува 19,6 степени.

Инаку, во изминатите 24 часа најмногу дожд наврнало во Охрид, два литри на метар квадратен,а утрово беа измерени 11 степени.

OhridNews