Водостојот на Охридско Езеро е 20 сантиметри под просекот за август покажуваат денешните мерења од Управата за хидрометеоролошки работи на Република Македонија (УХМР).
Според мерењата нивото е на кота од 693.26 метри надморска височина, а просекот за август изнесува 693.46 м.н.в. Нивото на езерото денес е 16 сантиметри над природниот минимум (693.10 м.н.в) и 9 сантимерат над минималната кота утврдена со Билатералниот договор со Албанија (693.17 м.н.в).
Неделната анализа покажува благо опаѓање од првиот ден кога нивото било на кота од 693.28 м.н.в, до денешното измерено.
Температурата на водата денес е 23 степени што е во рамки на просекот за месецов.
OhridNews
