Поранешниот бек шутер во охридскиот кошаркарски прволигаш Амак СП, Војдан Стојаноски, кој својата кариера ја продолжи во украинскиот Черкаси, каде што ќе остане една година, не може, а да не се присети на Охрид.
– Посебно ми е драго што се вратив овде во Охрид, каде поминав поминав две одлични години, имав можност да се видам со доста мои пријатели и како некогаш да се релаксирам покрај Охридското Езеро. Штета што Охрид нема прволигашка екипа, ги има сите услови, ја има најдобрата сала во Македнија, прекрaсно опкружување и навистина е штета што нема кошаркаски клуб кој би бил вистински репрезент и на градот и на Македонија – потенцираше Стојаноски.
Стојаноски, за кого украинскиот Черкаси ќе биде второ интернационално искуство, очекува трансферот во Украина да му го отвори патот кон Европа.
М.П.
© Ohridnews.com. All rights reserved.
The content of this article, should not be printed, copied or published in any way, without permission by Ohridnews.com