Вонреден инспекциски надзор од страна на Државниот санитарен и здравствен инспекторат се спроведува денес во Струшката болница по смртта на четиригодишното дете на Детското одделение, по што се очекуваат и поконкретни информации.
Според првичните информации, детето било донесено во болница во тешка здравствена состојба и загрозени витални параметри. Детето имало тешка форма на церебрална парализа.
И покрај укажаната лекарска помош тоа починало. Извршен бил увид од страна на јавен обвинител, а телото на починатот дете е предадено на семејството.
OhridNews
