Седумкратниот светски шампион во Формула 1, Михаел Шумахер, го пребродил воспалението на белите дробови, тврди „Bild“. Шумахер, од 29.декември минатата година, се наоѓа во кома во Универзитетската болница во Гренобл.
Истиот извор, пред неколку денови, ја пласираше информацијата дека Шумахер има воспаление на белите дробови. Веднаш потоа, менаџерката на Шумахер, Забине Кем, демантираше дека тој добил пневмонија, со кометар дека не сака да коментира шпекулации.
Во четвртокот, семејството на Шумахер, соопшти дека има целосна доверба во медицинскиот тим, во чии раце се наоѓа здравјето на легендарниот возач.
„Макфакс“
