Шеесетина докторанти од областа на телекомуникациите и други науки што се занимаваат со обработка на информации, учествуваат на Европската школа за теорија на информации (ESIT 2103), што се оджува во Охрид. На овој исклучително значаен научен настан предвачи се врвни експерти од Европа и Северна Америка.
Организатори на школата се универзитетот Св. Кирил и Методиј – Скопје, во чии рамки функционира „докторска школа“ и универзитетот „Гоце Делчев“ од Штип, во соработка со универзитети од Данска, Германија и Србија.
Европската школа за теорија на информации е спонзорирана од IEEE (Information Theory Society), и првенствено е наменета за докторанти. Годишно има две вакви школи, една во Северна Америка, а една во Европа.
Теорија на информации е научна дисциплина која е базична за телекомуникациите, како и за сите други науки што се занимаваат со обработка на информации. Оваа дисциплина во 50-тите години од минатиот век ја креирал Claude E. Shannon, кој се смета за татко на информаичкото општество. Многу од иновациите кои ги гледаме во телекомуникациите и Интернет најпрвин се појавуваат како идеи во теоријата на информации, многу години пред да станат практични, велат организаторите, а токму за таквите идеи ќе се разговара на Европска школа за теорија на информации во Охрид, која трае до 26-ти април.
