Велосипедскиот клуб „Зш Точак“ и Велосипедската федерација на Македонија во Охрид в недела ќе ја организираат велосипедската трка „Тур д Галичица“.
Јуниорите и сениорите учесници на трката ќе возат на релацијата Охрид-Ресен-Галичица-Пештани-Охрид, а кадетите, девојките и мастерс категоријата ќе возат патека од Отешево до Охрид.
– Должината на патеката што ќе ја возат сениорите и јуниорите е 109 километри, додека онаа за кадетите, девојките и мастерс е во должина од 55 километри. Стартот е во 12 часот од пред Центарот за култура „Григор Прличев“, а пристигнувањето пред платото на центарот се очекува после 15 часот – вели Жанко Голабоски од клубот организатор.
Велосипедската трка ќе се бодува за Ранг листа за 2011 година, a oрганизаторот ќе подели и признанија на првите тројца пласирани по категорија.
Ohridnews
