За десетина дена во Охрид, најавена е дезинсекција за уништување на комарците. Како што соопштуваат од Центарот за јавно здравје, прскањето ќе се врши во соработка со локалната самоуправа, а се чека уште на формалниот дел.
„За околу две недели би требало да се отпочне со дезинсекцијата за уништување на комарците. Локалната самоуправа ја потврди информацијата, а чекаме уште на формалностите околу избор на фирма која ќе го врши опрашувањето.“ – велат од Центарот за јавно здравје.
Исто така, со цел превентивно делување во заштитата на здравјето на граѓаните, ќе се врши и дератизација на канализационите одводи, со цел спречување на појава од инсекти и глодари кои имаат епидемиолошко значење поради пренесување на заразни болести.
Инаку, во периодот кога ќе се спроведува прскањето пчеларите треба да ги заштитат пчелите.
OhridNews
