Во вторник, 27 октомври, ќе се врши хоризонтално обележување на кружниот тек помеѓу улиците „Железничка“, „Егејска“ и „Будва“, поради што на сила ќе биде посебен сообраќаен режим, информира локалната самоуправа.
За реализација на овие активности, во временскиот период од 08:30 часот до 12:00 часот, улицата „Железничка“ на потегот од клучката за влез во Охрид од насока на Струга до кружната крстосница кај „Здружение на возачи“ ќе биде целосно затворена за сообраќај. Возилата ќе се пренасочуваат кон булевар „Туристичка“ од една страна и улицата „7-ми Ноември“ од друга страна. – соопшти локалната самоуправа.
За останатиот сообраќај, забраната на движење ќе важи од крстосницата на улица „Железничка“ со улица „Кленоец“ и тоа во насока кон Струга и од клучката за влез во Охрид во насока кон Ресен. Исто така забрана на сообраќај ќе има и на дел од улицата „Будва“ кој гравитира кон улицата „Железничка“ и на дел од улицата „Егејска“ кој гравитира кон улицата „Железничка“, се наведува во соопштението.
OhridNews
