Забрана за сообраќај на патниот правец Струга – Дебар, на Стража проодно

Сообраќајот на сите магистрални и регионални патни правци се одвива во зимски услови по влажни коловози, наместа со остатоци од кашест снег, информираа попладнево од АМСМ.

Забрана за сообраќај на тешки товарни возила има на патните правци Дебар – Струга и на планинскиот премин Попова Шапка. Укината е забраната на планинскиот премин Стража за тешки товарни возила, а на Попова Шапка за автобуси. Исто така е укината забраната за сообраќај за тешки товарни возила на патниот правец Крак-Маврово-Дебар. На патот Битола- Нижеполе- Молика (Р506) задолжителна е употреба на зимска опрема за сите видови на возила. Посебна внимателност се препорачува на патниот правец Дебар – Струга поради можна појава на одрони. На возачите им се препорачува крајно внимателно возење, прилагодена и намалена брзина на движење по лизгавите коловози, и одржување на потребното растојание помеѓу возилата.