Сообраќајот на сите магистрални и регионални патни правци низ државата се одвива отежнато и забавено во зимски услови поради врнежи од снег и остатоци на коловоз. Поради поголеми остатоци од снег на коловоз има забрана за движење за тешките товарни возила на планинските превои Пресека, Стража, Маврово, Ѓавато и на патните правци Струга – Ќафасан и Крива Паланка – Деве Баир, а за сите останати возила можна е употребата на зимска опрема.
На возачите им се препорачува крајно внимателно возење, прилагодување на брзината на движење на лизгавите и со остатоци од снег коловози, и одржување на потребното растојание помеѓу возилата.
OhridNews
