По теркот на ново формираното здружение на загрижени граѓани, група вработени од ЕМО, промовира Здружение на загрижени вработени, кое алармира на состојбите во компанијата и односот на менаџментот кон актуелните случувања. Во дописот кој стигна до нашата редакција се вели:„ Покрај сите состојби во градов со нивото на езерото, има ли нема ли опасност, покрај сите политички препукувања,како што е тренд во последно време се појавуваат инстант НВО или Здруженија на граѓани, формирано исклучиво со определена цел и за една употреба, се појави и во Охрид – Здружение на загрижени граѓани. Демек загрижени биле за состојбите со езерото во Охрид. Сето тоа е во ред но како можеше да бидат скоро сите фукнкционери од ДПМНЕ, а што е најтрагично најголемиот дел беа директори од ЕМО ОХРИД, во првите редови, поддржани во позадина од нивниот генерален директор.Крив им е нив градоначалникот Александар Петрески,што викаа да се врати. Ако е за поплавите Косел е сеуште далеку од езерото, ако е за фабриката во Лескајца нејзе им ја зеде извршител. Единствено во Струга фабриката е поплавена ама таму Мерко е градоначалник.
Трагедија и мизерија. Тие наместо да формираат такво здружение требаше да формираат Здружение на загрижени директори на ЕМО ОХРИД зашто фирмава им е во колапс. Поплавите се елементарна природна непогода, но што се тие штом го доведоа ЕМО во таква состојба. Треба да се загрижат за заостанатите плати во ЕМО кои се движат од 4 до 9 за тие што одиме на работа а камоли за другите. Тоа се истите директори за кои подолго време наназад во периодот додека имаше некој денар се зборуваше и пишуваше дека земаат баснословни суми на плати како никогаш досега…“ – се вели меѓу другото во соопштението на група загрижени граѓани за ЕМО.
OhridNews
