Развојот на состојбата на напукнатата брана на Слатинското Езеро, со внимание го следат и концесионерите за стопански и рекреативен риболов. Тие стравуваат од угинување на богатиот рибен фонд доколку дојде до пукање на браната. За да се спречи евентуално најлошото сценарио, концесионерите размислуваат да ја изловат рибата од Слатинското Езеро, но се уште не знаат дали ќе може истата да ја пренесат на безбедно место.
-Тоа е изводливо затоа што имаме концесионер за стопански риболов кој со мрежи ќе ја излови рибата, но не знаеме каде да ја однесеме таа риба која е автохтона, затоа што не знаеме дали е здрава, дали треба да оди во карантин,не знам, затоа ќе ги следиме инструкциите на инспекторатот и кризниот штаб.-истакна Радован Димитриески од СРД „Св. Апостол Петар“ – концесионер за рекреативен риболов на Сл. Езеро.
Слатинското Езеро е богато со мрена, плашица, пастрмка, јагула и грунец.
