Каде што има чад има и оган вели една народна. Во случајов оган нема, но затоа пак на одредени места, поточно угостителски локали во градот слободно се чади. Ова го покажуваат и резултатите од анкетата што за сопствени потреби ја спроведе OhridNews, во која повеќе од половината читатели се изјасниле дека законот за заштита од пушење во Охрид на некои места се почитува, а некаде не. Високи 32 отсто пак смета дека законот воопшто не се почитува, а 14 отсто дека доследно се спроведува.
Охридските угостители при носењето на законот за заштита од пушење беа меѓу најгласните противници, посочувајќи дека тоа крајно негативно ќе се одрази на нивната работа и ќе ја поттикне нелојалната конкуренција, која како што покажуваат и резултатите од испитувањата на јавното мислење, е во подем.
Законот за заштита од пушење во Охрид не се почитува
OhridNews
