На барање на индискиот регулатор СЕБИ, денеска судот во Индија ги замрзнал сите сметки на милјардерот Субрата Рој, пишува НоваТв.
Како што пренесува овој медиум, покрај сметките замрзнат бил целиот имот на фирмите од Сахара Груп, како и личните банкарски сметки и имот на Рој и на уште тројца директори од неговите фирми.
Се работи за долг кон граѓаните од 3 милијарди евра кои требало да се вратат со 15 отсто каматна стапка. Ова следува, откако индискиот врховен суд во спорот помеѓу регулаторното тело и Сахара Груп, пресудил во корист на регулаторното тело. За сега, никој официјално не ги коментира овие информации.
Инаку, Субрата Рој на македонската јавност и е познат по најавените инвестиции во Љубаништа, со кои се предвидува изградба на суперлуксузен хотел – казино на вода, како и апартмани, вили, марини, голф терени и други пропратни објекти кои ќе придонесат градот да стане светска туристичка дестинација.
OhridNews
