Во тек се активности за изградба на кружен тек на пресекот на булевар „Туристичка“ со улицата „ Абас Емин“. Во завршна фаза е изградбата на нова атмосферска канализација на кружниот тек како и поставување на подземни инсталации од страна на заинтресираните економски оператори.Истовремено,јавните претпријатија „Нискоградба“ и „Проаква“ ќе обезбедат приклучоци за новата водоводна,атмосферска и фекална канализација.
Дијаметарот на централниот круг на оваа кружна крстосница е 14 метри,а во самиот кружен тек ќе има две сообраќајни ленти со ширина од 5 метри. Изведувач на градежните активности е градежната фирма „ИВ-Стил Градба“ од Охрид. Проектот се реализира со средства од Буџетот на Општина Охрид и неговата вредност е 3.428.800.
Наредниот период се очекува да започнат и активности за изградба на кружен тек на прескот на булевар „Туристичка“ со улицата „ Јане Сандански“.
OhridNews
