На државните универзитети во Македонија денедка започнаа упистите во прва студиска година во академската 2012/2013.
За редовни студенти во државната квота се обезбедни 17.371 место, 7.805 се за квотата редовни студенти со кофинансирање на студиите и 3.812 слободни места има за вонредни студенти.
На Универзитетот за информатички науки и технологии „Св. Апостол Павле“ во Охрид има 300 слободни места, од кои 220 за редовните студенти во државна квота и 80 слободни места за квотата редовни студенти со кофинансирање на студиите.
Првиот уписен рок на овој универзитет е на 16-ти 17 август, вториот е на 3-ти и 4 септември и третиот на 15-ти идниот месец.
На Факултетот за туризам и угостителство од Охрид, годинава во прва година ќе запише 320 студенти.
Според објавениот конкурс најмногу места – 80, се предвидени на насоката Туризам во Охрид, на истата насока на дисперзираните студии во Крушево се предвидени 70 места. На насоката Осигурување во Охрид ќе можат да запишат 50 студенти, на насоката Хотелско-ресторантски менаџмент 35, на Царина и шпедиција 35, на Гастрономија, исхрана и диететика во Охрид 25, а на истата насока на дисперзираните студии во Битола ќе можат да се запишат исто толку студенти.
Првиот уписен рок на Факултетот за туризам и угостителство од Охрид е на 16-ти и 17 август, вториот на 3-ти и 4 септември и третиот уписен рок е на 17 септември.
OhridNews
