Со проекцијата на филмот ” Робин Худ” од режисерот Ридли Скот, денес почнува меѓународниот Кански филмски фестивал, односно борбата за престижната „Златна палма“. Филмот на Скот, е надвор од официјалната конкуренција за наградата „Златна палма“. На отворањето ќе присуствуваат главните актери Расел Кроу и Кејт Бланшет, а режисерот нема да присуствува поради неодамнешната операција на коленото.
Во рамки на оваа престижна манифестација предвидени се проекции, црвени килими и забави до доцна во ноќта, во познатото француско монденско одморалиште.
За „Златна палма“ до 23 мај годинава ќе се натпреваруваат 19 филмови, заедно со филмот „Ирски пат“ на режисерот Кен Лоуч, кој беше додаден на листата. Во официјалната селекција влегуваат девет кратки филмови, колку и долгометражни филмови надвор од конкуренција. Ќе има 13 филмски класици и 9 специјални проекции.
OhridNews
