Започнува новата сезона на Охридскиот театар

Со претставата “Ај да си речиме уште една”, вечерва, започнува новата сезона на охридскиот Народен театар.

Претставата изобилува со многу комични елементи, со многу стари народни песни познати на пошироката публика кои се изведуваат во живо. “Ај да си речиме уште една”, е авторско дело на режисерот Андреј Цветановски, и зборува за творештвото на еден народ кое секогаш претставува богатство што се чува и негува, показ и доказ за цивлизацијата што се развива во еден регион, белег за одликите и навиките на еден народ.

Улогите во претставта ги толкуваат: Горан Стојаноски, Јасмина Билаловиќ, Никола Тодороски, Стрезо Стаматовски, Адријана Билаловиќ, Ивица Цонев, Билјана Билаловиќ и Игор Георгиев.

Претставата започнува во 20 часот. Салата е затоплена, а билетите чија цена изнесува 100 денари се нумерирани, информираат од Центарот за култура.