Претседателот на Република Македонија, пратениците, претседателот и потпретседателот на Собранието, премиерот и членовите на Владата, градоначалниците на општините и на Градот Скопје, денеска треба да поднесат изјава заверена на нотар дека не соработувале со разузнавачките служби. Со тоа официјално ќе започне процесот на лустрација во Македонија. До 30 септември такви изјави до Комисијата за лустрација треба да достават сите носители на јавни функции во Македонија.

Според Комисијата за лустрација во Македонија постојат околу 36.000 досиеја од кои околу 16.000 се од идеолошки причини, а 20.000 се од затвореници од „Идризово“. Во оваа бројка не се досиејата коишто се наоѓаат во приватни архиви и оние кои се во архивите во Белград.

Ohridnews